Astana protsesi: Sırııa máselesi boıynsha kezekti kezdesý ótedi

ASTANA. QazAqparat - Kelesi aptada aqpannyń 15-16-sy kúnderi elordada Sırııa máselesi boıynsha kezekti kezdesý ótedi. Atalǵan sharalar Astana protsesi aıasynda bastalǵan, dep xabarlaıdy QazAqparat tilshisi Syrtqy ister mınıstrliginiń baspasóz qyzmetine silteme jasap.

Astanadaǵy kezdesýde Sırııa jerinde áskerı is-qımyldy toqtatý rejımin saqtaý máseleleri, sonyń ishinde belgili aýmaqtarda axýaldy turaqtandyrý jaıy sóz bolady. Sondaı-aq, birlesken shuǵyl top týraly ereje qabyldanyp, bitimgerlik rejımdi kúsheıtý jáne basqa da Jeneva kelissózderi aldyndaǵy sharalar talqyǵa salynbaq.

Sırııadaǵy atysty toqtatýǵa kepildik berip otyrǵan Reseı, Túrkııa men Iran memleketteriniń xabarlaýynsha, Astanadaǵy kezekti kezdesýge Iordanııa Koroldigi, Sırııa Arab Respýblıkasy, sol jerdegi qarýly oppozıtsııanyń ókilderi, BUU Bas xatshysynyń arnaıy ókili S. De Mıstýra, sondaı-aq AQSh baqylaýshy retinde shaqyrylyp otyr.

Aıta keteıik, Sırııa máselesin retteýge arnalǵan Astana protsesinen keıin elordada xalyqaralyq texnıkalyq kezdesý ótken bolatyn. Sonyń nátıjesi boıynsha RF Qarýly kúshteri Bas shuǵyl basqarma basshysynyń orynbasary, general-maıor Stanıslav Gadjımagomedov málimdeme jasaǵan edi.