Astana protsesi: Kezekti jıynda Sırııadaǵy sońǵy lańkestermen kúres jaıy talqylanady

RIM. QazAqparat-TASS - 10-11 jeltoqsanda Nur-Sultan qalasynda ótetin Astana protsesinde lańkester tobynyń qaldyǵymen kúres jáne gýmanıtarlyq máseleler talqylanady. Bul týraly Reseıdiń Syrtqy ister mınıstri Sergeı Lavrov «Jerorta teńizindegi dıalogtar» halyqaralyq konferentsııasynyń sessııasynda málim etti, dep habarlaıdy QazAqparat TASS agenttigine silteme jasap.

«Kelesi aptada Qazaqstan elordasynda astanalyq formattaǵy 14-shi kezdesý ótedi. Onda deeskalatsııa týraly kelisimderdiń oryndalý barysy, terrorlyq toptardyń qaldyqtarymen kúresti aıaqtaý jaıy qaralady. Jıynda gýmanıtarlyq máseleler qaralady, onyń ishinde Sırııa halqyna gýmanıtarlyq kómek kórsetý, bosqyndardy qaıtarýǵa jaǵdaı jasaý, ustalǵandar men tutqyndardy almasý da bar. Sonda saıası úderis te talqylanady», dedi Sergeı Lavrov.