Astana protsesi: basty nátıjeler

ASTANA. QazAqparat - Astanadaǵy kelissózderdiń qorytyndysy Iran, Reseı jáne Túrkııanyń qatysýymen Sırııadaǵy ýaqytsha bitim jónindegi úshjaqty jedel monıtorıng tobyn qurý boldy, dep habarlaıdy Vestı.rý.

«Interfaks» aqparatyna qaraǵanda, RF SІM Taıaý Shyǵys jáne Soltústik Afrıka departamentiniń dırektory, Astana kelissózderindegi RF delegatsııasynyń basshysy Sergeı Vershının top turaqty negizde jumys isteıtindigin, al onyń qyzmeti janjalǵa qatysýshy taraptardyń soǵys qımyldaryn toqtatý rejimin saqtaýyna baǵyttalatyndyǵyn atap ótken. Sonymen qatar bir-birine degen senim sharalaryn qurý da osy toptyń nazarynda bolady.

Munan bólek, Astanada ótken kelissózder barysynda tutqyndardy, onyń ishinde áıelder men balalardy almasý tetikteri túzildi. Qaza tapqandardyń múrdelerin almasý tarmaǵy da kelisildi. Bul jaıynda Reseıdiń Jańalyqtar agenttigine Reseı Bas shtaby Bas basqarmasy bastyǵynyń orynbasary Sergeı Afanasev málim etken. General-maıordyń atap ótýinshe, bul sharalar Sırııadaǵy senimdi nyǵaıta túsýge qyzmet etetin bolady.