Astana Pro Team veloshabandozy A.Grıvko Parıj-Nıtstsa kópkúndiginiń 3 kezeńi qorytyndysy boıynsha jalpy esepte 2 orynǵa kóterildi
ASTANA. 7 naýryz. QazAqparat - Astana Pro Team veloshabandozy Andreı Grıvko Parıj-Nıtstsa kópkúndiginiń 3 kezeńinde márege úzdikter qatarynda kelip, jeńiske talasty.
Alaıda jańbyrdyń astynda ótken kezeńniń sheshýshi sátinde, alda kele jatqan shabandozdar onyń shabýylǵa kóshýine múmkindik bergen joq. Biraq kezeń qorytyndysymen ol jalpy esepte ekinshi orynǵa kóterildi, dep habarlady komandanyń resmı saıty.
Toptyq jáne jekeleı synda Ýkraına chempıony A.Grıvko Chatel-Guyon qalasynda bastalǵan jarysqa jaqsy kóńil-kúımen shyqqan jáne óziniń jalpy eseptegi kórsetkishin jaqsartyp, jeńimpazǵa tıesili jeıdege talasýǵa múmkindiginiń zor ekendigin de jasyrǵan joq edi.
«Grıvko aldyndaǵy shabandozdardy qýyp jetý maqsatynda sońǵy taýdan tómen túsýde shabýylǵa kóshti. Aýa-raıynyń qolaısyzdyǵy da birshama qıyndyqtar týǵyzdy. Jarys aldyndaǵy jıynda Grıvko óziniń jeńis úshin talasýǵa daıyn ekenin aıtqan bolatyn, sondyqtan uzyndyǵy 2,5 shaqyrym bolatyn sońǵy kóterilýde Maksım Iglınskııdiń shabýyly nátıjesinde birshama abdyrap qalǵan básekelesteriniń jaǵdaıyn utymdy paıdalanyp, alǵa uzap shyqty» ,- dedi Astana Pro Team sporttyq dırektory Dmıtrıı Fofonov.
