Astana Pro Team veloshabandozdary Katalonııa týryna qatysýda, búgin 6-shy kezeń
ASTANA. 23 naýryz. QazAqparat - Astana Pro Team veloshabandozy Franchesko Gavatstsı juma kúni Katalonııa týrynyń 5-shi kezeńinde máredegi sprınttik talasqa qatysyp, 14-shi nátıje kórsetti, dep habarlady komandanyń resmı saıty.
Gavatstsı Astana shabandozdarynyń ishinde úzdik atanyp, Lerrıdadaǵy márede sprınterlik talasqa túsken jalǵyz shabandoz. Buǵan deıin komandanyń eki ókili jarysty toqtatqan bolatyn.
«Bizdiń komanda bul jarysqa negizinen taýǵa shyǵýdyń sheberlerin ákeldi. Sondyqtan Fýlsang pen Arýdyń saǵatyna 60-70 shaqyrym jyldamdyqpen kele jatqan shabandozdarmen talasqa túsý qıyndaý. Gavatstsı márege jaqsy keldi. Sońǵy shaqyrymdarda Kashechkın oǵan qoldaý kórsetti. Senbi kúni ótetin kezeńde qolda bar múmkindikti jiberip almaı, jeńiske talasamyz», - dedi Astana Pro Team sporttyq dırektory Dmıtrıı Sedýn.
Kanadalyq Fransýa Parızen kezeń jeńimpazy atandy. Gavatstsı odan 3 sekýndqa utyldy. Al Denıel Martın jalpy eseptegi kóshbasshylyq ornyn saqtap qaldy.
«Búgin komandalar jalpy esepte joǵary turǵan shabandozdardyń qımyl áreketterin ańdyp, shabýylǵa shyǵý sátin tosady. Biz bul jaǵdaıdy meılinshe óz paıdamyzǵa sheshýge tyrysamyz. Kezeńniń jeńis tuǵyryna talasýǵa nıettimiz. Birneshe tóbeden ótemiz, sondyqtan jaýapty sátte iske kóshýge qolaıly kezeń», - dedi D.Sedýn.
