Astana Pro Team veloshabandozdary Belgııanyń tas joldarymen ótetin jarystar serııasyn bastaıdy
ASTANA. 20 naýryz. QazAqparat - Astana Pro Team veloshabandozdary búgin Belgııanyń tas joldarymen ótetin jarystar serııasyn Dwaars door Vlaanderen báıgesinen bastaıdy, dep habarlady komandanyń resmı saıty.
Bul jarystyń sársenbi kúni uıymdastyrylýy dástúrge aınalǵan. Bıyl Flaman klassıkasynyń máresi Belgııanyń Rýselare qalasynda tigildi. Ol aýyldyq joldarmen ótip, negizgi bóligi flaman órleriniń tas joldarymen kóterilýden turatyn jarystyń máresi Varegema aımaǵynda belgilendi.
Flaman jarystarynyń basqa jarystardan aıyrmashylyǵy shabandozdar qysqa qashyqtyqta ornalasqan birneshe tóbege kóterilip, tómen túsedi. Dwaars door Vlaanderen-de jarysqa qatysýshylar dál osyndaı 13 tóbeni baǵyndyrýy tıis. Onyń biri jarystyń 140 shaqyrymynda belgilengen - Aıkenberg tóbesi.
Astana Pro Team quramy:
Asan Bazaev (Qazaqstan).
Borýt Bozıch (Slovenııa).
Dmıtrıı Grýzdev (Qazaqstan).
ıAkopo Gýarnıerı (Italııa).
Maksım Iglınskıı (Qazaqstan).
Andreı Grıvko (Ýkraına).
Dmıtrıı Mýravev (Qazaqstan).
Rýslan Tileýbaev (Qazaqstan).
