Astana Pro Team shabandozy A.Gýardını Langkavı týrynyń kezekti kezeńinde márege 4-shi bolyp jetti
ASTANA. 1 naýryz. QazAqparat - Astana Pro Team shabandozy Andrea Gýardını Langkavı týrynyń beısenbi kúni ótken kezeńinde márege tórtinshi bolyp jetti. Degenmen sprınterlik eseptiń jeńimpazyna tıesili jıdege ıelik etýin toqtatqan joq, dep habarlady komandanyń resmı saıty.
Kýala Terrengganýdan Tanah Merahke deıin sozylǵan 165 shaqyrymdyq kezeńniń sońǵy 300 metrine deıin Gýardını óziniń qolaıly orynda kelgenin, alaıda aldyndaǵy shabandozdyń shabýylǵa shyǵýǵa kedergi bolǵanyn aıtady.
«Sprınttik talasqa men daıyn bolatynmyn. Kúshimde jetkilikti edi. Biraq jyldamdyqty údetýge múmkindik bolǵan joq. Márege 500 metr qalǵanda men úshinshi kele jattym. Aldymdaǵy shabandoz jyldamdyǵyn arttyrýǵa múldem asyqqan joq. Nátıjesinde men márege tek tórtinshi keldim. Múmkindiktiń tek 60-70 paıyzyn ǵana qoldanǵanym ókinishti. Maǵan qoldaý kórsetip, kómektesken komandalyq áriptesterime alǵysym sheksiz. Úzdik nátıje kórsete almaǵanyma barlyqtaryńyzdan keshirim suraımyn», - dedi Gýardını.
Astana Pro Team sporttyq dırektory ıAan Kırsıpýý komandanyń búgingi jumysyn óte jaqsy degen baǵa berdi, pelotonmen aradaǵy ýaqyt aıyrmashylyǵyn 10 mınýtqa deıin jetkizgen «qashqyndardy» qýyp jetýde olardyń eńbegin aıtyp jetkizý múmkin emes degendi aıtty.
«Andreanyń keshegi jeńisinen keıin komanda shabandozdarynyń kóńil kúıi kóterińki edi. Barlyǵy da tek jeńis úshin ter tókti. Biraq sońǵy 500 metrde top basynda bolýy qajet emes shabandoz kóp komandanyń josparyna balta shapty. Alǵa shyǵyp alyp, qalǵan shabandozdardyń shabýyldaýyna eshqandaı da múmkindik qaldyrmady. Alda áli eki kún bar. Jeńis úshin kúresimizdi jalǵystyramyz», - dedi Kırsıpýý.
