Astana Pro Team Parıj-Nıtstsa kópkúndigi jarysynda komandalyq esepte 1 orynda
ASTANA. 8 naýryz. QazAqparat - Astana Pro Team veloshabandozy Maksım Iglınskıı Parıj-Nıtstsa kópkúndiginiń beısenbilik 4-shi kezeńiniń sońǵy shaqyrymynda márege ekinshi bolyp keldi,
al onyń komandalasy Enrıko Gasparottoǵa buıyrǵany - 4-shi oryn. Komandanyń taǵy bir veloshabandozy ıAkob Fýlsang asqazany aýyryp, jarystan shyǵyp qaldy, dep habarlady komandanyń resmı saıty.
Qazaqstandyq M.Iglınskıı 200 shaqyrymǵa sozylǵan bul kezeń shahmat partııasyndaǵy aıla-tásilden kem túspeıtindeı talasty ótip, tómenge qaraı quldılaǵan 30 veloshabandozdyń arasyndaǵy teke-tirespen aıaqtalǵanyn aıtty.
«Márede men, Grıvko jáne Gaspa úsheýmiz bolatynbyz. Tómenge túsý kezinde qarsylastardyń toptan sytylyp ketýine jol bermeý úshin aldyńǵy pozıtsııada boldyq. Grıvko birinshi shabýylǵa kóship, aldaǵy toptyń uzap ketýine tosqaýyl jasady. Biz alǵa shyqqan sátte Grıvko maǵan shabýylǵa kósh dep belgi berip, márege 350 metr qalǵanda sprıntti bastadym. Biraq jarys nátıjesin saralaı kele, bul áreketti tym erte bastaǵanymyzdy túsindik, meniń izin ańdyǵan Albazını aldymdy orap, jeńiske jetti. Men búgin ózimdi jaqsy sezindim, sondyqtan bul kezeńde jeńiske jetetinimizge nyq senimdi boldyq», - dedi M.Iglınskıı
Shveıtsarlyq Mıkael Albazını kezeń jeńimpazy atansa, birinshi toppen máre syzyǵyn kesken Andreı Grıvko jalpy esepte ekinshi ornyn saqtap qaldy, Sondaı-aq Astana Pro Team komandalyq esepte birinshi orynda.
