«Astana Pro Team» komandasy Oman týryndaǵy jarys jolyn bastady
ALMATY. 11 aqpan. QazAqparat - 11 aqpan kúni velosporttan «Oman týry» bastaldy. Oman Sultanatynda alty kún boıy ótetin bul baıraqty básekege «Astana Pro Team» komandasynan 8 sportshy qatysýda.
Olar - Arman Kamyshev, Dmıtrıı Mýravev, ıtalııandyq Vınchentso Nıbalı, ıAkopo Gýarnıerı, ýkraındyq Andreı Grıvko, Dmıtrıı Grýzdev, amerıkandyq Evan Hýffman jáne slovenııalyq Borýt Bozıch. Qazaqstandyq kásipqoı veloklýbtyń sport dırektory slovenııalyq Gorazd Shtangelı.
«Astanalyqtardyń» baspasóz qyzmetiniń habarlaýynsha, bıyl úshinshi ret uıymdastyrylyp otyrǵan Oman týry óziniń geografııalyq kórshilesi Katar týrynan aıtarlyqtaı erekshelenedi.
«Katar týrynyń árbir kúninde jel aıqyndaýshy faktor bolǵan edi. Onda aıaq ta mańyzdy ról atqardy. Endi Oman týrynda kezeńniń taǵdyryn taýlar sheshetin bolady. Bul óte qyzyqty jarys bolmaq», - deıdi Gorazd Shtangelı.
Onyń aıtýynsha, bul básekede «astanalyqtar» taýly jerlerde úzdik nátıje kórsetip júrgen komandalastary Vınchentso Nıbalıge kómek kórsetetin bolady.
