«Astana» Prezıdenttik klýby Ilıa Ilınge barynsha qoldaý kórsetedi
ASTANA. QazAqparat - «Astana» Prezıdenttik klýby dopıng paıdalandy dep aıyptalǵan eki dúrkin Olımpıada chempıony, aýyr atlet Ilıa Ilınniń quqyǵyn qorǵaý úshin barynsha quqyqtyq jáne moraldik qoldaý kórsetedi, dep habarlandy klýbtyń saıtynda.
«Ilıa Ilın - Prezıdenttik klýbtyń Elshisi. Biz sportshyny qoldaýǵa daıynbyz. Ilınge quqyqtyq jáne moraldyq kómek kórsetemiz. Ókiletti organ tergeýden keıin tıisti baǵasyn beredi», - delingen taratylǵan habarlamada.
«Astana» Prezıdenttik klýby álemdik deńgeıdegi «Astana Pro Team» kásibı velokomandasyn, «Astana» fýtbol klýbyn, «Barys» hokkeı klýbyn, «Astana» basketbol klýbyn, «Astana Motorsports» rallı-reıd boıynsha komandasyn, «Astana Arlans» komandalaryn biriktiredi.
Aýyr atletıka boıynsha eki dúrkin Olımpıada chempıony Ilıa Ilın jáne mánerlep syrǵanaý boıynsha Olımpıada oıyndarynyń qola júldegeri Denıs Ten klýbtyń Elshisi retinde óner kórsetedi.
