Astana poıyzdary jańa kestemen júredi

ASTANA. QazAqparat - Elordadan Qazaqstannyń barlyq baǵytynda qatynaıtyn jolaýshylar poıyzdary qysqy kestege aýysty. Qala mańyndaǵy eki baǵyttyq poıyzdyń júrý jıiligi artty. Endi Astana-Qaraǵandy baǵytyndaǵy poıyz burynǵydaı kúnine eki ret emes, úsh ret, al Býrabaı kýrorty (Kókshetaý q.) baǵytyndaǵy poıyz kúnine eki ret júretin bolady. Sonymen qatar, búginnen bastap jańadan «Astana-Zaşıta» (Óskemen) jáne «Astana-Qyzylorda» baǵyttary ashyldy. Bul týraly astana.kz saıtyna «Jolaýshylar tasymaly» AQ habarlady.

Sonymen qatar, «Tulpar-Talgo» poıyzdarymen jol júrýdi jaıly etý maqsatynda qazan aıynda jeńildikter engizildi. Jolaýshy bıletti poıyzdyń attanýyna deıin 44-35 táýlik buryn satyp alsa 35%; 34 -25 táýlik buryn satyp alsa, 25%; 24-8 táýlik buryn satyp alsa 15% jeńildik jasalady.