Astana polıtsııasy «Tesla Education» ortalyǵyna qatysty aryzdardy qaraýǵa kiristi
ASTANA. KAZINFORM - «Tesla Education» bilim berý ortalyǵyna qatysty ata-analardyń shaǵymy boıynsha quqyq qorǵaý organdary tekserýdi bastady.
Ata-analardyń aıtýynsha, oqý orny oqý aqysyn qaıtarmaı, kún saıyn túrli sebeppen sozyp kelgen. Olardyń sózinshe, ortalyq búgin múlde jumysyn toqtatqanyn jetkizgen. Birqatar ata-anaǵa shamamen bir mıllıon teńgeden qaryz ekeni aıtylǵan.
Polıtsııa departamentiniń túsindirmesine sáıkes, «Tesla Education» ortalyǵynda bilim alǵan balalardyń ata-analary birlesken aryzben júgingen.
- Osy fakt boıynsha sotqa deıingi tergep-tekserý jumystary bastaldy. Tekserý júrgizilip jatyr, - dep málimdedi vedomstvodan.
Buǵan deıin Oqý-aǵartý mınıstrliginiń, Qazaqstannyń jetekshi joǵary oqý oryndarynyń jáne «Daryn» respýblıkalyq ǵylymı-praktıkalyq ortalyǵynyń laýazymdy adamdary men qyzmetkerleri tártiptik jaýapkershilikke tartylǵanyn jazǵanbyz.