Astana polıtsııasy 24 kólikti aýktsıonda satpaqshy
ASTANA. KAZINFORM – Astana qalasynyń Aktıvter jáne memlekettik satyp alý basqarmasynyń basshysy Jandos Dáýletov máslıhat depýtattaryna jekeshlendiriletin nysandar tizbesin tanystyrdy.
- Búgingi tyńdaýǵa 83 avtokólik pen arnaıy tehnıkalar tizbesi satylymǵa shyǵarý usynylady. Memlekettik mekemeler men kólik sany slaıdta kórsetilip tur. Bul: «Demeý» áleýmettik qyzmet kórsetý ortalyǵy – 1 avtokólik, Astana sý arnalary mekemesinde – 7 avtokólik jáne 24 arnaıy tehnıka. Astana qalasynyń polıtsııa departamenti – 24 avtokólik, №1 jáne №2 ońaltý ortalyǵynda – 2 avtokólik, Balalar men jasóspirimder týrızm jáne ólketaný ortalyǵy – 5 avtokólik, qalalyq ınfektsııalyq ortalyq – 1 avtokólik jáne de basqa mekemeler. Ózderińiz kórip otyrǵandaı eski avtokólikter, - dedi Jandos Dáýletov.
Otyrysta Almaty aýdanynyń ákimdiginen Sembınov kóshesi 1/6 mekenjaıynda ornalasqan jer úıdi jekeshelendirý týraly túsken hat uzaq talqylandy.
- Atalǵan turǵyn úıdi ózimizdiń balansqa alyp, endi jekeshelendirýdi usynyp otyrmyz. Astana qalasynyń ákimdiginiń 2025 jylǵy 5 jeltoqsandaǵy qaýlysyna sáıkes atalǵan obekt jer ýchaskesin izdestirý jáne jobalaý jumystaryn júrgizýge engizilgen. Almaty aýdanynyń ákimdiginen 164 saýda pavılony jekeshelendirý boıynsha hat tústi. Bul pavılondar aýdan aýmaǵynda zańsyz ornalasqan bolatyn. Sot sheshimine sáıkes alynyp, aýdan ákimdigine berilgen bolatyn, - dedi basqarma basshysy.
Depýtattar Sembınov kóshesindegi jer úıge irgeles nysandardyń 80-150 mln teńgege satylyp jatqanyn, al ákimdik usynyp otyrǵan 49 mln teńge degen baǵa naryqtaǵy shynaıy qunynan alshaq ekenin aıtty. Aqyry atalǵan úıdi aýktsıonǵa shyǵarmaı turyp, qujattaryn depýtattarmen birge qaıta pysyqtaý týraly sheshim qabyldandy.
Sondaı-aq memorgandardyń aktıvterin jekeshelendirý jol kartasy ázirlenip jatyr.
