Astana polıtseıleri esinen tanǵan er adamdy qutqaryp qaldy

Astanada patrýldik polıtseıler er adamnyń ómirin aman alyp qaldy, dep habarlaıdy Polisia.kz. 

28 jeltoqsan kúndizgi ýaqytta patrýldik polıtsııa qyzmetkerleri Oljas Altynbekov pen Nurlan Baýyrjanov patrýldeý kezinde Taraz jáne Jangeldın kósheleriniń qıylysynda trotýarda jatqan er adamdy kórgen.

Jaǵdaıdy baǵalaı otyryp, kapıtan Altynbekov ustamasy bastalǵan naýqasqa alǵashqy medıtsınalyq kómek kórsetýge kirisedi.

Dárigerler kelgenge deıin polıtsııa qyzmetkeri kómek kórsetýdi jalǵastyryp er adamnyń tynys alý joldaryna aýanyń erkin jetýine sep bolǵan. 

Sóıtip jedel járdem kelgenge deıin polıtsııa qyzmetkerleri zardap shekken adamnyń janynda bolǵan.

Kelgen jedel járdem kóligimen 30 jastaǵy er adam medıtsınalyq mekemege jedel jóneltilgen.

Qoldan kelgen kómegin kórsetken patrýldik polıtsııa polkiniń ınspektorlary ózderine bekitilgen marshrýt boıynsha qyzmet atqarýdy jalǵastyrýǵa baǵyt alǵan.