Astana polıtsııasynyń aǵa leıtenanty sambodan Qazaqstan chempıony atandy
ASTANA. 11 sáýir. QazAqparat - Astana polıtsııasynyń aǵa leıtenanty Álııa Jylqybaeva sambodan Qazaqstan chempıony atandy. Bul týraly elordalyq Іshki ister departamentinen habarlady.
Sambodan Qazaqstan Respýblıkasynyń chempıonaty Jezqazǵan qalasynda ótti. Onda eldiń 16 qalasynan myńnan - tulpar, júzden - júırik sportshylar baq talastyrdy.
72 keli salmaqtyq dárejede óner kórsetken Á.Jylqybaeva, alǵashqy dodalarda tórt sportshyny jeńse, aqtyq synda semeılik balýanǵa qımyl jasaýǵa múmkindik bermeı, ony 12:0 esebimen utty. Bul jeńis Álııaǵa aldaǵy qyrkúıek aıynda Lıtvada ótetin Álem chempıonatyna joldama berdi. Oǵan deıin ol Pavlodar qalasynda ótetin halyqaralyq týrnırge, Oral qalasyndaǵy spartakıadaǵa qatyspaq.
Halyqaralyq sport sheberi, dzıýdodan sport sheberi Álııanyń bul - alǵashqy jeńisi emes, 2009 jyly Ózbekstannyń astanasy Tashkent qalasynda ótken sambodan Azııa chempıonatynda ol Qazaqstanǵa 1-shi oryndy alyp keldi. Osy jyldyń jeltoqsan aıynda grek elinde ótken sambodan Álem chempıonatynda 3-shi oryndy qorjynyna salyp qaıtty.
«Arlan» arnaıy maqsattaǵy bólimshesiniń aǵa ınspektory polıtsııa aǵa leıtenanty Á.Jylqybaevany jeńisimen Astana qalasy ІІD-niń bastyǵy, polıtsııa general-maıory Marat Demeýov arnaıy quttyqtady.
