Astana polıtsııasy joǵalyp ketken 11 jastaǵy qyzdy tapty
ASTANA. QazAqparat - Astana polıtsııasy 11 jastaǵy Jamal Beketovany taýyp aldy, dep habarlaıdy Astana qalalyq ІІD baspasóz qyzmetinen.
Eske sala keteıik, 19 mamyrda shamamen saǵat 23.00 «Almaty» aýdandyq ІІB kezekshilik bólimine astana turǵyny 11 jasar qyzynyń úıden ketkenin jáne onyń qazir qaıda ekeni belgisiz ekenin aıtyp júgingen bolatyn.
Kámelet jasqa tolmaǵan balany izdeý jumystaryn ІІD basshylyǵy baqylaýyna aldy. Polıtsııanyń keshendi qurylymdarynyń qosymsha jasaqtary tartyldy. Іzdeý jumystaryna krımınaldyq polıtsııa qyzmetkerleri, ýchaskelik ınspektorlar, Astana q. ıývenaldy polıtsııasynyń jeke quramy qosyldy.
Nátıjesinde Jamal Beketovanyń qaıda ekeni anyqtaldy. Ol Astana q. Jeleznodorojnyı kentinde bolǵan. Oǵan qatysty quqyq buzýshylyq áreketter jasalmady. Qazir Astana q. «Almaty» aýdany ІІB ıývenaldy polıtsııa bóliminiń qyzmetkerleri qyzdy týystaryna tapsyrdy.
Tekserý nátıjesinde qyz buryn da birneshe ret úıinen ketkeni anyqtaldy. Polıtsııa qyzmetkerleri ata-anasymen profılaktıkalyq áńgimeler júrgizgen.
