Astana polıtsııasy jadynan aıyrylǵan egde áıeldi izdesýge kómektesti
ASTANA. QazAqparat - Polıtsııa qyzmetkerleri joǵalyp ketken jarym-jartylaı jadynan aıyrylǵan egde áıeldi izdesip, týystaryna onyń qaı jerde ekenin habarlady.
Astana ІІD baspasóz qyzmeti habarlaǵandaı, «Almaty» aýdany ІІB polıtsııa ýchaskelik ınspektory leıtenant Akbar Qurmanǵalıev úı kıimimen kóshede jan-jaǵyna jaltaqtap júrgen ájeıdi baıqap qalǵan.
Keıýana qaıda turatynyn, bul aýdanǵa qalaı kelgenin túsindirip bere almapty. Keıinnen bul kisiniń ishinara esinen aıyrylatyny belgili boldy. Polıtsııa qyzmetkeri dárigerler shaqyryp, áıeldi júıke aýrýlaryn emdeıtin ortalyqqa jatqyzdy. Qazir 70 jastaǵy áıel em qabyldaýda. Keıinen týystaryna qaıta oralady.
Joǵalǵan áıel týraly derekti týystary Astana q. ІІD «Jazataıym oqıǵalardy tirkeý bıýrosy» arnaıy anyqtamalyq-aqparattyq qyzmetke tirkegen bolatyn.
«Bıýroda derekqor bar. Ol elordanyń ІІD mamandandyrylǵan mekemelerinen kúndelikti túsetin aqparattardan qalyptasady», - dedi Astana q. ІІD aqparattyq-taldaý ortalyǵynyń bastyǵy Qarlyǵash Qabıeva.
