Astana polıtsııasy zań buzǵan 2 myńǵa jýyq shetel azamatyn anyqtady

ASTANA. QazAqparat - Astana qalasynda 5 qyrkúıek pen 5 jeltoqsan aralyǵynda «Ýchaske»  jedel aldyn alý is-sharasy ótip jatyr, dep habarlaıdy QazAqparat qalalyq PD baspasóz qyzmetine silteme jasap.

Іs-shara maqsaty - ýchaskelik polıtsııa ınspektorlary, kóshi-qon, krımınaldyq jáne patrýl polıtsııasy jáne basqa da qyzmetterdiń qatysýymen árbir ýchaskelik aýmaqtarda quqyq buzýshylyqtardyń aldyn alý.  Ýchaskelik polıtsııa ınspektorlary óz aýmaqtarynda turyp jatqan azamattar týraly málimet alý úshin úı-jaılardy aralap shyqty.  «Ýchaske» jedel aldyn-alý is-sharasy bastalǵaly ınspektorlar 80 myńnan astam páter men 10 myńnan astam jeke úıdi aralaǵan. Jedel aldyn-alý is-sharasyn júrgizý barysynda polıtsııa organdarynda tirkeýde turǵan 4200-den astam azamat turǵylyqty jeri boıynsha tekserildi. Sondaı-aq, 10 myńǵa jýyq azamattyq qarý ıelerine tekseris júrgizildi.

«Naýqan barysynda tıisti qujatsyz jalǵa beriletin myńnan astam páter tirkelip, olar týraly aqparat Astana qalasy boıynsha Memlekettik kirister departamentine jiberildi. Jalpy «Ýchaske» jedel aldyn alý is-sharasy bastalǵaly 13 myńnan astam azamat ákimshilik jaýapkershilikke tartyldy. Qazaqstan Respýblıkasynyń kóshi-qon zańyn buzǵan 1800-den astam shetel azamaty anyqtaldy» delingen PD taratqan habarlamada.