Astana polıtsııasy túngi klýbtar men barlardy kenetten tekserdi
ASTANA. QazAqparat - Tártip saqshylary bes mekemede reıd ótkizdi. Tekserý nátıjesinde eńbek sharttarynyń jasalmaýy, kóshi-qon zańnamasynyń saqtalmaýy sekildi derekter anyqtaldy, dep habarlaıdy 24.kz.
«Polıtsııa qyzmetkerleri 12 ákimshilik quqyqbuzýshylyqty anyqtady. Sonyń ishinde kóshi-qon zańy talaptarynyń saqtalmaýy da bar, ol boıynsha protsessýaldyq sheshim qabyldanady. 14 medıtsınalyq kitapsha alyndy. Olar boıynsha tekserý júrgizilip, saraptama jasalady», - dedi elordalyq ІІD resmı ókili Sofıa Kolyshbekova.
Jyl basynan beri azamattardan qaladaǵy oıyn-saýyq mekemelerine qatysty 6,5 myń shaǵym túsken. Olardyń eń bastysy - aıǵaı-shýdyń qatty bolýy. Bul boıynsha 700-den astam shaǵym bar. 300 shaǵym dene jaraqatyn salýǵa qatysty jasalǵan, al 50 adam tonaý boıynsha aryzdanǵan. Bul tek polıtsııaǵa shaǵym bergenderge qatysty fakti.
Polıtseılerdiń málimdeýinshe, kenetten tekserý jalǵasa bermek. ІІD-niń málimetinshe, qylmys deńgeıi qalada az da bolsa da tómendegen.
