Astana polıtsııasy páterlerdiń terezesine balalar úshin qorǵanys qurylǵylaryn ornatýdy usyndy
ASTANA. QazAqparat - Elordalyq polıtsııa jazataıym oqıǵalardyń aldyn alý maqsatynda turǵyn úılerdiń terezelerine balalar úshin qorǵanys qurylǵylaryn ornatýdy usynyp otyr.
«Statıstıkalyq málimetterge qaraǵanda, 6 aıda balalarǵa qatysty 50 jazataıym oqıǵa tirkelip, onyń 11-i adam ólimine alyp keldi»,-dedi elorda ІІD ákimshilik polıtsııa basqarmasy basshysynyń orynbasary Ǵosman Jakın.
Onyń aıtýynsha, kámeletke tolmaǵandardyń úılerdiń terezelerinen qulaýy oqıǵalarynyń basym bóligi eresekter úıde joq kezde nemese ata-analardyń óz balalarynyń qaýipsizdigine nemquraıdy qaraýyna baılanysty oryn alady.
Jarty jylda osyndaı 10 oqıǵa tirkelgen jáne onyń ekeýinde balalar qaza tapqan.
Bundaı jazataıym oqıǵa sońǵy ret 9 shildede tirkelgen, ıaǵnı, 6 jasar qyz alty qabatty úıdiń terezesinen qulap ketti. Qazirgi kezde balanyń jaǵdaıy óte aýyr.
Mamandar moskıtti torlar balalardy qorǵamaıtynyn jáne olardyń bekitilýi salmaqqa arnalmaǵanyn atap ótýde. Sondyqtan páterlerdiń terezeleri arnaıy qorǵanys qurylǵylarymen jabdyqtalýy tıis.
