Astana polıtsııasy nárestesin dalada tastap ketken kókek anaǵa izdeý jarııalady
ASTANA. QazAqparat - Elordalyq polıtsııa qyzmetkerleri dalada qaldyrylǵan náresteniń anasyn anyqtaýǵa baǵyttalǵan jedel-izdeý sharalar keshenin júrgizýde.
«22 sáýir kúni saǵat 22:00 shamasynda Aqmeshit kóshesindegi jataqhanalardyń biriniń baspaldaǵynyń astynda jańa týylǵan náreste tabyldy. Jedel járdem brıgadasynyń qyzmetkerleri ony balalar aýrýhanasyna jetkizdi. Jynysy er bala kórpeshege oralǵan kúıinde tabyldy», - dep habarlady Astana qalalyq ІІD-niń baspasóz qyzmetinen.
Atalǵan fakt sot aldyndaǵy tergeýdiń biryńǵaı tiziliminde QR QK-niń 119-baby boıynsha («qaýipti jaǵdaıda qaldyrý») tirkeldi. Tergeý amaldary júrgizilýde.
