Astana polıtsııasy lıfttegi monıtordy syndyrǵan er adamdy izdestirip jatyr

ASTANA. QazAqparat - Astana polıtsııasy turǵyn úılerdiń birindegi lıftte beınebaqylaý monıtoryn buzǵan er adamdy izdestirip jatyr, dep habarlaıdy QazAqparat. 

Onyń bul áreketi beınebaqylaý kamerasyna túsip qalǵan. Astana qalasy ishki ister deparatmentiniń habarlaýynsha, oqıǵa 25 tamyz kúni shamamen keshki 9-10-darda bolǵan.

«Bul azamat týraly qandaı da bir aqparat biletin turǵyndardyń  «Esil» aýdandyq ІІB-ne habarlasýyn suraımyz. Mekenjaıymyz: Qorǵaljyn tas joly, 21. Baılanys telefondary 8(7172)71-65-48, 8701-188-04-62 nemese 102», - delingen qalalyq ІІD baspasóz qyzmetiniń habarlamasynda.