Astana polıtsııasy eskertý jasaǵan júrgizýshilerdiń meleketke qaryzy 1 mlrd teńgege jýyqtaıdy

ASTANA. QazAqparat – Astana polıtsııasy anyqtap, eskertý jasaǵan júrgizýshilerdiń memleketke bershegi 1 mlrd teńgege jýyqtaıdy, dep habarlaıdy QazAqparat Astana qalalyq Polıtsııa departamentiniń baspasóz qyzmetine silteme jasap.

Baspasóz qyzmetiniń derekterine qaraǵanda, QR ІІM Jol qozǵalysy erejelerin buzý áreketterin jedel anyqtaý maqsatynda «Sergek» kameralarymen biriktirilgen «Qorgau» arnaıy mobıldi qosymshasy ázirlendi.

Kólik quralynyń jol qozǵalysy erejesin buzǵany anyqtalǵan kezde kameralar patrýldik polıtsııa ınspektoryna elektrondyq planshet arqyly birden sıgnal beredi. Mundaı avtokólikter týraly aqparat «102» operatoryna da beriledi.

Qosymsha quqyq buzýshynyń kóliginiń berilgen radıýsta ornalasqan jerin kórsetedi.

Sondaı-aq, qosymshanyń negizgi fýnktsııalarynyń biri-qaskúnemder men júrgizýshi kýáliginen aıyrylǵan adamdardy, sondaı-aq izdeýde júrgen kólikterdi anyqtaý bolyp tabylady.

«Joba iske qosylǵan sátten bastap shamamen 1 mlrd. teńge somaǵa ákimshilik quqyq buzýshylyq boıynsha bereshegi bar 7 628 júrgizýshige, onyń ishinde jalǵan nómirleri bar kólik quralyn basqarǵany úshin – 91 júrgizýshige, basqarý quqyǵynsyz kólik quralyn basqarǵany úshin – 620 júrgizýshige, basqarý quqyǵynan aıyrylǵandar úshin – 177 júrgizýshige habarlandy. Kommýnaldyq turaqqa 706 avtokólik ornalastyrylyp, 920 memlekettik tirkeý nómirlik belgileri tárkilendi»,-delingen Astana qalasy Polıtsııa departamentiniń baspasóz qyzmeti taratqan aqparatta.