Astana polıtsııasy eskertedi: Urylardan saq bolyńyz
ASTANA. QazAqparat - Elordalyq polıtsııa qala turǵyndary men qonaqtaryna jańajyldyq mereke qarsańynda asa muqııat jáne saq bolýdy eskertedi.
Sebebi bul kúnderi qala turǵyndarynan qoǵamdyq oryndarda jeke zattarynyń urlanǵany týraly aryz kóbirek túsedi, dep habarlaıdy QazAqparat.
Astana ІІD baspasóz qyzmetiniń málimdeýinshe, 26 jeltoqsan kúni ámııanyn urlatqan 38 jastaǵy qala turǵyny polıtsııaǵa aryz túsirdi. Aqshalaı qarajat pen jeke qujattary bar ámııandy aryzdanýshy «Magným» saýda úıinde urlatqan. Shyǵyn kólemi júz myń teńgeni quraǵan.
Sondaı-aq, taǵy bir qala turǵyny polıtsııaǵa habarlasyp, «Gúljan» saýda úıinde jeke zattarynyń urlanǵanyn jetkizgen. Belgisiz er adam ishik qaltasynan quny júz seksen myń teńge bolatyn «iPhone» markaly uıaly telefonyn jymqyryp ketken.
Atalǵan faktiler boıynsha, «urlyq» babymen sotqa deıingi tergeý amaldary bastaldy. Mamandar quqyq buzýshylardy anyqtaý jáne ustaý boıynsha jedel izdestirý sharalaryn júrgizip jatyr.
