Astana polıtsııasy eki áıeldi óltirgen er adamdy ustady
ASTANA. 27 jeltoqsan. QazAqparat - Astanalyq polıtseıler paıdakúnemdiginiń saldarynan eki áıeldi óltirgen er adamdy qolǵa túsirdi, dep habarlaıdy Astana qalalyq ІІD-niń baspasóz qyzmetinen.
Aǵymdaǵy jyldyń 20 jeltoqsanynda Astana qalalyq ІІD-niń Jedel basqarý ortalyǵynyń «102» nómirine turǵyn úılerdiń birindegi páterde zorlyqpen óltirilgen eki áıeldiń múrdeleri tabylǵany týraly habarlama tústi.
24 jeltoqsan kúni astanalyq ІІD-niń tergeý boıynsha basqarmasynyń qyzmetkerleri bul qylmysty jasaǵan er adamdy ustady. Ol asa aýyr qylmysty jasaǵanyn moıyndady. Onyń aıtýynsha, qylmys paıdakúnemdik saldarynan jasaldy.
Kúdikti azamat Astana qalalyq ІІD-niń ýaqytsha ustaý abaqtysyna qamaldy.
