Astana polıtsııasy bıikten qulap ajal qushqan boıjetkenniń kim ekenin anyqtaýda
ASTANA. QazAqparat - Astana qalasy ІІD krımınaldyq polıtsııa basqarmasy bıikten qulap, qaza tapqan boıjetkenniń kim ekenin anyqtaýda.
«2017 jylǵy 4 tamyzda Asan qaıǵy kóshesindegi 2 úıdiń aýlasynda 20-25 jastaǵy bet-álpeti azııalyq, dene bitimi ortasha belgisiz boıjetkenniń múrdesi tabyldy. Onyń kim ekeni qazirgi ýaqytqa deıin anyqtalǵan joq», - dep habarlady elordalyq ІІD baspasóz qyzmetinde.
Belgileri: boıy 162 sm., shashy qońyr, boıalǵan, uzyn, murny tik, qasy tatýaj, qulaǵy tesilgen.
Boıjetken qara-aq tústi ala týnık kıgen. Sol qolyna kúmis júzik taqqan.
«Belgisiz boıjetken týraly dáıekti aqparaty bar azamattar bolsa, 8(7172) 71-60-10, 71-60-22, s.t. +7 775 979 95 05» telefondary arqyly habarlasýdy suraımyz, - dep atap ótedi polıtsııada.
