Astana polıtseıleri júrgizýshi qyz-kelinshekterdi tonaǵan jigitti qolǵa túsirdi
ASTANA. QazAqparat - Astananyń polıtsııa qyzmetkerleri júrgiýshi qyz-kelinshekterdi uryp, olardyń qymbat buıymdary men aqshalaryn urlaǵan uryny qolǵa túsirdi. Bul týraly Astana qalalyq Іshki ister departamentinińbaspasóz qyzmeti habarlady.
«Jedel izdestirý sharalarynyń barysynda polıtsııa qyzmetkerleri bir táýlik ishinde 24 jastaǵy elorda turǵynyn ustady. 19 qarasha kúni keshki saǵat 18.00 shamasynda kúdikti azamat «Alash» shossesiniń boıynda «Lada Granta» kóligin toqtatady. Kólikti 25 jastaǵy qyz júrgizip kele jatqan, janyndaǵy oryndyqta qurybysy otyrǵan. Kólik toqtatqan jigit júrgizýshiden Qoıandy aýylyna deıin jetkizip salýyn suraıdy. Biraq, jol-jónekeı aýylǵa baratyn qysqa joldy bilemin dep ótirik aıtqan jigit qyzdardy ıen dalaǵa alyp ketedi. Aldap, jol boıynan alysqa alyp ketken jigit júrgizýshimen qurbysyn uryp, uıaly telefondaryn jáne baǵaly áshekeılerin tartyp alady. Bunymen qoımaı, kólikke otyryp alady da, qalaǵa qaraı bet alady», - dep habarlady ІІD-nińbaspasóz qyzmeti.
Polıtsııanyń aqparatyna súıensek, bul fakt QR Qylmystyq kodeksiniń 19-baby («urlyq») jáne 200-baby («kólikti zańsyz ıelený») boıynsha biryńǵaı sot aldy tergeý tizimine tirkelgen. Ustalǵan kúdikti osyndaı sıpatta taǵy birneshe qylmys jasaldy dep boljanyp otyr.
Polıtsııanyń habarlaýynsha, «K» esimdi qyz da osy kúdiktiniń ústinen aryz túsirgen. «Jábirlenýshinińaıtýynsha, 16 qarasha kúni saǵat 17.00 shamasynda belgisiz adam kóligin toqtatyp, Qoıandy aýylyna deıin jetkizýdi suraǵan. Bul joly da «aýylǵa baratyn qysqa joldy kórsetemin» degen kúdikti júrgizýshini basqa jolǵa túsiredi. Keıin, kúsh qoldanyp, jábirlenýshini zorlaǵan jáne onyń jeke zattary men aqshasyn urlap áketken. Bul fakti boıynsha tergeý júrip jatyr», - dep habarlady ІІD.
Kúdikti adam sottyń sheshimimen qamaýǵa alyndy. Qazir kúdiktiniń ózge qylmystarǵa qatysy bar-joqtyǵy anyqtalyp jatyr.
Osy rette, Astana qalasynyń Іshki ister departamenti barlyq júrgizýshilerge saq bolyńyzdar dep eskertedi. Polıtsııa kólikke bóten adamdy otyrǵyzyp, qala syrtyna ketý - óte qaýipti ekenin erekshe eskertip otyr.
Al ІІD osy kúdikti adamnan zábir kórgen ózge de adamdar bolsa, myna telefondarǵa habarlasýyn suraıdy. 71-66-40, 71-61-47, uıaly tel:. 87029996906.
