Astana polıtseıleri jumystary baǵalanbaıtynyna qapaly
ASTANA. 18 maýsym. QazAqparat - Astana polıtseıleri astanalyqtar ýchaskelik ınspektorlar eńbegin baǵalamaıdy jáne halyqtyq daýys berýmen erkeletpeıdi dep ókpelerin bildirýde.
Onymen qosa, «Halyq qaharmany» ataǵyna nebári 3 kandıdatýra ǵana usynylǵan jáne turǵyndar bul maman sanatyna az daýys berýde. Bul rette, Astana qalasy ákimdiginiń resmı saıtynda ýchaskelik ınspektorlar alǵan - 85, muǵalimder jınaǵan 3463 daýys salystyrmaly túrde kórsetilgen. Qazirgi tańda Astananyń bolashaq qaharmanyna 10 myńnan astam adam daýys bergen.
Ýchaskelik polıtsııa ınspektory Serik Tuǵymbaev: «Polıtseıler arasynda qaharman ataǵyna laıyq azamattar kóp. Olardyń jumysyn baǵalamaıtyny ókinishti. Meniń oıymsha, «Astana tańdaýy - 2012» baıqaýyna polıtsııalardyń kandıdatýrasyn áli de qosý kerek».
Esterińizge sala keteıik, «Astana tańdaýy 2012» baıqaýyn Astana ákimdigi Qala kúni qarsańynda jarııalady. Joba maqsaty - astananyń shynaıy qaharmandaryn anyqtaý jáne olardyń is-áreketterin dáripteý. Baıqaý qorytyndysy boıynsha 5 kategorııanyń ókilderi irikteldi: dáriger, qoǵamdyq kólik júrgizýshisi, muǵalim jáne ýchaskelik ınspektor, sondaı-aq kez kelgen laıyqty qala azamaty. Daýys berý astana.kz. saıtynda jalǵasýda. Siz ózińizge unaǵan qatysýshyǵa daýys bere alasyz jáne ony erteńgi kúnniń qaharmany etýge múmkindigińiz bar.
