Astana polıtseıleri shyrsha satýdyń zańdylyǵyn tekseredi
ASTANA. QazAqparat - Jańa jyl qarsańynda Astana qalalyq Іshki ister departamenti Ákimshilik polıtsııa bólimshesiniń qyzmetkerleri «Shyrsha» jedel aldyn alý sharalaryn ótkizedi. Sharanyń maqsaty - tabıǵatty qorǵaý organdaryna járdem berý boıynsha qylqan japyraqty aǵashtardy zańsyz kesý, tasymaldaý jáne satýdyń jolyn kesý.
ІІD Ákimshilik polıtsııa basqarmasynyń habarlaýynsha, jedel aldyn alý sharasy aıasynda polıtsııa qyzmetkerleri elorda mańyndaǵy «jasyl beldeý» aýmaǵynan qylqan japyraqty jas butalardyń zańsyz kesilýine, olardyń saýda núktelerindegi zańsyz satylymyna erekshe nazar aýdaratyn bolady. Polıtsııa qyzmetkerleri men «Astana ormany» jáne «Jasyl aımaq» memlekettik mekemeleri qyzmetkerlerinen quralǵan jedel top jas shyrshalardy zańsyz kesýdiń aldyn alý úshin táýlik boıyna kezekshilik jasaıdy.
Qylqan japyraqtylardy zańsyz tasymaldaýdy boldyrmaý úshin jol-patrýl polıtsııalary da kúsheıtilgen tártipke kóshedi.
«Qazirgi tańda Astanada qylqan japyraqty aǵashtardy Astanada satýdyń birqatar oryndary belgilengen. Bular: «Mereı» ortalyq jáne shaǵyn bazary, «Ásem» saýda úıi, «Saryarqa», «Magným», «Astyqjan», «Alma», «Jannur», «Gúljan», «Orbıta», «Jastar» jáne «Artem» saýda oryndary. Satýshylardyń barlyǵynda Reseıden ákelingen bolsa qylqan japyraqtylardy ákelý men satýǵa qatysty qujattary bolýy kerek», - deıdi ІІD ÁPB bastyǵynyń orynbasary Igor Gorbýnov.
Onyń aıtýnysha, qazirdiń ózinde Astanada qylqan japyraqty aǵashtardy belgilengen oryndarda satýǵa qatysty zańsyzdyqtardyń 6 faktisi tirkelgen. Jańa jyldy qarsańyndaǵy «Shyrsha» jedel aldyn alý sharasy 31 jeltoqsanǵa deıin jalǵasatyn bolady.
