Astana polıtseıleri rýlde telefonmen sóılesetin avtobýs júrgizýshilerin anyqtady
ASTANA. QazAqparat - Astanalyq polıtseıler jaıaý júrginshilerge jol bermeı, rýlde telefonmen sóılesetin avtobýs júrgizýshilerin anyqtady, dep habarlaıdy QazAqparat.
Qalalyq Іshki ister departamentiniń baspasóz qyzmetinen málim etkendeı, «Avtobýs» jedel-profılaktıkalyq sharasy barysynda eki kúnde jol erejesin buzýdyń 224 faktisi anyqtaldy. Onyń 38-i qorshaǵan ortany lastaý (paıdalanylǵan gaz) jáne shýdyń deńgeıine qatysty. Sondaı-aq jaıaý júrginshilerge jol bermegen - 2, avtobýs rýlinde kele jatyp telefonmen sóılesken 17 júrgizýshi polıtseıler nazaryna túsken.
Jedel-aldyn alý sharasy avtobýs júrgizýshileriniń jol erejelerin buzý faktilerin anyqtaýǵa, tehnıkalyq jaǵdaıy saı kelmeıtin avtobýstardy paıdalaný jaǵdaılaryn boldyrmaýǵa baǵyttalǵan. Sondaı-aq júrgizýshilerdiń eńbek jáne demalys rejımin, jolaýshylardy tasymaldaýdaǵy bekitilgen normalardy saqtaý talaptary tekserildi.
Sharaǵa ákimshilik polıtsııa jáne jergilikti polıtsııa qyzmetkerlerinen, Astana boıynsha kólik baqylaý ınspektsııasynan, memlekettik kirister departamenti men qoǵam múshelerinen quralǵan 10 top jumyldyryldy.
