Astana polıtseıleri «Orbıta» saýda úıiniń kúzetshisin óltirilý faktisi boıynsha Ózbekstan azamatyn ustady
ASTANA. 3 qarasha. QazAqparat /Rýslan Ǵabbasov/ - Elordadaǵy «Orbıta» saýda úıiniń kúzetshisiniń óltirilý faktisi boıynsha Ózbekstan azamaty ustaldy. Bul týraly búgin aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.
«Astananyń polıtsııa qyzmetkerleri 31 qazanda «Orbıta» saýda úıiniń kúzetshisin óltirý qylmysyn ashty.Qylmyskerler 10 býtıkti ashyp, kúmisten jasalǵan zergerlik buıymdardy, galantereıalyq taýarlardy, erlerdiń syrtqy kıimin, sondaı-aq uıaly baılanys kompanııasynyń kartochkalaryn urlap ketken bolatyn»,-dedi departament bastyǵy.
Onyń sózine qaraǵanda, keshe polıtsııa qyzmetkerleri atalǵan dúkenniń burynǵy kúzetshisi, Ózbekstannyń azamatyn anyqtap, ustady. «Ol osy qylmysty jasaǵanyn moıyndap, urlanǵan zattardy qaıtardy. Onyń sybaılasyn ustaý boıynsha tergeý amaldary men jedel-izdestirý is-sharalary júrgizilýde»,-dedi Q. Jumanov.
