Astana polıtseıleri medıtsınalyq-áleýmettik mekemeniń áıelder qaýymyn quttyqtady
ASTANA. QazAqparat - Elordalyq polıtsııa qyzmetkerleri Qarttar men múgedekterge arnalǵan medıtsınalyq-áleýmettik mekemeniń názik jandy turǵyndaryn 8 naýryz merekesimen quttyqtady, dep habarlady astana.gov.kz.
Bıylǵy jyl polıtsııa qyzmetkerleri úshin «Halyqtyń senimi - polıtsııanyń kúshi» uranymen ótýde. Jyl basynan beri aktsııa aıasynda polıtseıler qaıyrymdylyq sharalar ótkizip, balalar úıin qamqorlyqqa aldy. Kele jatqan 8 naýryz merekesi qarsańynda ІІD basshysy, polıtsııa general-maıory Amantaı Áýbákirov Qarttar men múgedekterge arnalǵan medıtsınalyq-áleýmettik mekemedegi 160 áıeldi merekemen quttyqtady. Іshki ister departamentiniń qyzmetkerleri uıymdastyrǵan is-shara názik jandylar úshin erekshe jarqyn oqıǵa boldy. 102-ge kelgen Isenova Marfýǵa Hamıtovna men 100 jasaǵan Anna Lazareva alǵystaryn bildirdi. Qarttar men múgedekterge arnalǵan medıtsınalyq-áleýmettik mekemede UOS ardagerleri de bar. ІІD basshysy Amantaı Áýbákirov olardy palatada quttyqtap, gúlder men syılyqtar tabys etti. UOS qatysqan ár áıeldiń ómiri erekshe. Bir bólke nan men bir kılogramm kámpıtpen18 jasynda maıdanǵa attanǵan Anna Vasılevna Pavlova ushaqtarǵa janarmaı jetkizýge jaýapty 446-shy aerodromdyq qyzmet kórsetý batalonyna túsken. Don, Stalıngrad, Ortalyq, Belarýs maıdandarynan ótip, Polsha men Germanııada bolǵan. Anna Vasılevna reıhstag qabyrǵasyna óz qolymen qol qoıǵan. Soǵystan keıin KSRO-nyń ár túkpirinde jumys atqaryp, tyń ıgerýge kelgen. Qarttar men múgedekterge arnalǵan medıtsınalyq-áleýmettik mekemede turatyn áıelderdiń aıtýynsha, olarǵa qonaqtar kóp kelip, kóńil bóledi. Polıtsııa qyzmetkerleri ótkizgen búgingi shara olardy qatty qýantty, quttyqtaýlardan bólek olar úshin arnaıy kontsert uıymdastyryldy. Polıtsııa qyzmetkerlerinen quralǵan «Jiger» halyq aspaptar ansambliniń, jol-patrýldik polıtsııa polki horynyń mýzykalyq nomerleri, ásirese, ánder áıelderdi erekshe qýantty. Astana qalasynyń ІІD basshysy, polıtsııa general-maıory Amantaı Áýbákirovtyń aıtýynsha, bul polıtsııa qyzmetkerleri josparlanǵan alǵashqy, biraq, sońǵy shara emes. Alda merekeler men mereıtoılyq kúnder bar, olarǵa da polıtsııa qyzmetkerleri mindetti túrde daıyndalyp, Qarttar men múgedekterge arnalǵan medıtsınalyq-áleýmettik mekeme turǵyndaryn taǵy da quttyqtaıtyn bolady.
