Astana polıtseıleri kópqabatty úıdiń terezesinen sekirgeli turǵan er adamdy qutqaryp qaldy

ASTANA. QazAqparat - Astana polıtseıleri kópqabatty úıdiń terezesinen sekirgeli turǵan er adamdy qutqaryp qaldy, dep jazady polisia.kz.

Oqıǵa Rysqulbekov kóshesinde bolǵan. Polıtsııanyń 102 arnasyna áıel adam habarlasyp, onyń 45 jastaǵy jubaıy 6-qabattan sekiremin dep qorqytyp jatqanyn aıtqan.

Oqıǵa ornyna patrýldik polıtseıler Ádilet Dalabaev pen Nurǵazy Marat keldi. Qyzmetkerdiń biri tómende qalyp, er adammen dıalog júrgizip, raıynan qaıtarýǵa tyrysqan. Al ekinshi qyzmetker páterge kirip, er adamdy ustap alyp, tartyp kirgizgen.

Er adamǵa psıhologııalyq kómek kórsetildi. Turǵyndy mundaı áreketke ne ıtermelegenin polıtseıler anyqtap jatyr.