Astana polıtseıleri elordaǵa esirtki zattaryn jetkizý kanalyn joıdy
ASTANA. QazAqparat - 9 qarashada Astana qalasy ІІD-niń Esirtki bıznesine qarsy kúres basqarmasy qyzmetkerleri arnaıy operatsııa júrgizip, nátıjesinde elordaǵa esirtki zattaryn jetkizý kanalyn joıǵan. Sondaı-aq, elorda aýmaǵyna esirtki zattaryn jetkizý jáne taratýmen aınalysqan uıymdasqan qylmystyq toptyń is-áreketiniń aldyn alǵan, dep habarlaıdy atalǵan vedomstvonyń baspasóz qyzmeti.
Keshendi jedel-tergeý jáne izdestirý is-sharalary nátıjesinde uıymdastyrýshy jáne negizgi jetkizýshi, buryn esirtki qylmysy úshin sottalǵan Jambyl oblysynyń turǵyny 1982 jyly týǵan «D» esimdi azamat ustalǵan.
Bir ýaqytta Astana qalasynda EBQKB qyzmetkerleri fıgýranttyń qylmystyq baılanystaryn ustaý boıynsha jedel-izdestirý is-sharalaryn ótkizdi. Nátıjesinde onyń eki múshesi elorda aýmaǵynda esirtki zattaryn tasymaldaýǵa, saqtaýǵa jáne ótkizýge qatysy bar 37 jáne 39 jastardaǵy jergilikti turǵyndardy ustady, olardan turǵylyqty jeri boıynsha jabdyqtalǵan jasyryn orynnan jalpy salmaǵy 15 kılogramm «gashısh» esirtki zaty tárkilendi.
Qazirgi ýaqytta ustalǵan tulǵalarǵa qatysty QR QK 297-baby «Adamdar tobynyń aldyn ala kelisýi boıynsha asa iri kólemde esirtki zattaryn satý» boıynsha sotqa deıingi tergep-tekserý júrgizilýde.
Barlyq ustalǵan tulǵalar Astana qalasy ІІD ÝUI qamalǵan.
