Astana polıtseıleri bir kúnde jolda júrý erejesin buzǵan 200-ge jýyq jaıaý júrginshini ustady
ASTANA. 29 naýryz. QazAqparat - Elordada «Jaıaý júrginshi» jedel-aldyn alý sharasy ótýde,
dep habarlady Astana qalalyq ІІD Jol polıtsııasy basarmasynyń baspasóz qyzmetinen.
Vedomstvonyń atap ótýinshe, atalǵan is-sharanyń negizgi maqsaty jaıaý júrginshilerdiń qatysýymen oryn alatyn jol-kólik oqıǵalarynyń aldyn alý, elorda joldaryndaǵy qaýipsizdikti arttyrý bolyp tabylady.
Sharany ótkizý kezeńinde jol polıtsııasynyń jeke quramy kúsheıtilgen qyzmetke kóshirildi. Sonymen qatar aldyn alý tıimdiligin kúsheıtý maqsatynda ishki ister departamentiniń qosymsha kúshi tartyldy. Nátıjesinde sharanyń alǵashqy kúninde-aq jaıaý júrginshilerdiń qatysýmen oryn alǵan 192 zań buzýshylyq anyqtaldy. Jaıaý júrginshiler ótetin jolaqta júrginshige jol bermegeni úshin 55 júrgizýshige qatysty ákimshilik hattama toltyryldy. Jalpy osy kúni jol-kólik qozǵalysy erejesiniń 761 ret buzylýy tirkeldi.
Máselen, 28 naýryz kúni «Qoıandy» beketinde jol polıtsııasynyń qyzmetkerleri Mitsubishi Lancer kóligin toqtatty. Mashınadaǵy jolaýshylardyń jeke zattaryn tekserý barysynda Aqmola oblysynyń 31 jastaǵy turǵynynyń qaltasynan tsellofanǵa oralǵan sur-jasyl tústi zat tabyldy. Sonymen qatar osy kúni «Teńiz» beketinde «Volkswagen Passat» kóliginiń jolaýshysynan ótken jyly 22 shildede QR Іshki ister mınıstrliginiń aqparattyq málimetter bazasynda joǵalǵan retinde tirkelgen Nokia 7230 telefony tabyldy.
