Astana polıtseıleri anasymen birge bir jasar balany qaǵyp ketken júrgizýshini ustady
ASTANA. 9 maýsym. QazAqparat - Astana polıtseıleri anasymen birge bir jasar balany qaǵyp ketken júrgizýshini ustady. Bul týraly Jol polıtsııasy basqarmasynan habarlady.
Oqıǵa 7 maýsym kúni, tańerteńgi saǵat 10:30-darda boldy. Beıbitshilik kóshesimen Jangeldın kóshesine qaraı bet alǵan belgisiz tulǵanyń basqarýyndaǵy «Toyota Estima» kóligi «Vızavı» dámhanasynyń janynda qolynda 1 jasar balasy bar 29 jastaǵy jaıaý júrginshini qaǵyp ketip, oqıǵa ornynan dereý izin sýytqan.
Jol-kólik apatynan zardap shekken bir jasar sábı Astana qalasynyń №2 qalalyq balalar aýrýhanasyna jetkizilip, jan saqtaý bólimine jatqyzyldy. Dárigerlerdiń qoıǵan dıagnozy: «bas súıek pen mıdyń jabyq jaraqaty, bas mıynyń soǵylýy jáne jelke súıeginiń synýy».
Oqıǵadan keıin birneshe saǵat boıy izdestirý jumystaryn júrgizgen jol polıtsııasy qyzmetkerleri «Toyota Estima-nyń» 30 jastaǵy júrgizýshisi - Astana qalasynyń turǵynyn anyqtap, qolǵa túsirdi.
