Astana polıtseıleri ákesi balalaryn araq ishýge úıretip jatqan vıdeony tekserýde
ASTANA. QazAqparat - Elordalyq polıtseıler ınternet-resýrsqa ákesi jasóspirim qyzdaryn araq ishýge úıretip jatqandaı áser beretin vıdeony zerdeledi, dep habarlady Astana ІІD baspasóz qyzmeti.
Bul fakti QR QK 133-baby boıynsha (kámelet jasqa tolmaǵandardy antıqoǵamdyq áreketter jasaýǵa tartý) biryńǵaı sot aldy tergeý tizilimine engizildi. Tergeý júrgizilýde.
«Polıtsııa qyzmetkerleriniń tekserý sharalarynyń barysynda 34 jastaǵy Astana turǵyny bul jaǵdaıdy bylaı dep túsindirdi, ol úıinde balalarymen qaljyńdap, ázil vıdeo rolık túsirýdi sheshken. Araqtyń bótelkesine «Saryaǵash» sýyn quıyp, balalaryna rıýmkaǵa quıyp bergen. Vıdeo ázil retinde, kóńil kóterý maqsatynda túsirildi», - delingen habarlamada.
Ol azamat polıtsııaǵa onyń úıinde túsirgen vıdeorolıkti jarııalaǵan belgisiz bireýge sharalar qabyldaý týraly shaǵymymen júgingen.
Onyń shaǵymy QR 211-baby boıynsha (shekti qoljetimdiliktegi elektrondyq aqparattyq resýrstardy zańsyz taratý) biryńǵaı sot aldy tergeý tizilimine tirkeldi. Tergeý júrgizilýde.
Budan basqa, balalardyń ishimdik ishken-ishpegenin tekserý úshin saraptama taǵaıyndaldy.
