Astana polıtseıleri 8-qabattan sekirmek bolǵan qyzdy qutqardy
ASTANA. QazAqparat - Astanada ýchaskelik polıtseıler «Stolıchnyı» turǵyn úı kesheninde bolýy múmkin qaıǵyly jaǵdaıdyń aldyn aldy.
Elordalyq ІІD baspasóz qyzmetiniń habarlaýynsha, polıtsııa qyzmetkerleri ýchaskeni aralaý kezinde bir qyzdy kórip qalǵan. Ol 8-qabattyń kire berisindegi balkonda turǵan.
Polıtsııa aǵa leıtenanty Temirhan Qaıyrbekov pen polıtsııa kapıtany Asqar Papyshev esh ýaqyt joǵaltpastan tezdete 8-qabatqa kóterilip, balkonnyń jaqtaýyna shyǵyp, sekirmek bolǵan qyzdy ustap úlgeredi»,- delingen habarlamada.
28 jastaǵy qyzdyń túsindirýinshe, ol óziniń jigitimen ursysyp qalǵan. Polıtsııanyń deregine qaraǵanda, qazirgi ýaqytta oǵan psıhologııalyq kómek kórsetilip jatyr.
