Astana polıtseıleri 40 mln teńge bopsalaǵan kúdiktilerdi ustady

ASTANA. QazAqparat - Astana polıtseıleri 40 mln teńge aqsha qarajatyn bopsalaǵan kúdiktilerdi ustady, dep habarlaıdy QazAqparat Polisia.kz-ke silteme jasap.

Elordanyń Polıtsııa departamentine 31 jastaǵy qala turǵyny bopsalaý faktisi boıynsha aryzdanǵan. Jábirlenýshiniń aıtýynsha, JShS-niń qarjy dırektory men enshiles kompanııasynyń atqarýshy dırektory qorqytý arqyly jáne ıntımdik jazbalardy taratamyz dep odan 40 mln teńge kóleminde aqsha bopsalaǵan.

Bul rette kúdiktiler 15 mln teńgeden astam qarajatty ıemdenip alǵan, qalǵan somany bopsalaýdy jalǵastyrǵan.

Astana qalasy PD Uıymdasqan qylmysqa qarsy kúres basqarmasynyń qyzmetkerleri ekeýin aqsha qarajatyn berý barysynda qylmys ústinde ustady, olardan 2 mln teńge kóleminde qarajaty tárkilendi. Atalǵan fakti boıynsha asa iri mólsherde bopsalaǵany úshin QR QK-niń 194-baby boıynsha sotqa deıingi tergeý amaldary júrgizilip jatyr.

Foto: polisia.kz