Astana polıtseıi kishkene balanyń 10-shy qabattan qulaýyna jol bermedi
ASTANA. QazAqparat - Astananyń polıtsııa qyzmetkeri Dilshad Toıshybaev 4-5 jasar qyz balanyń 10-shy qabattan qulap ketýine jol bermedi. Balanyń anasy Mádına Jumabekova tártip saqshysyna alǵys bildirdi, dep habarlady Astana qalalyq ІІD-niń baspasóz qyzmetinen.
«4 sáýirde Astana qalalyq ІІD Jedel basqarý ortalyǵyna elorda turǵynynan Saryarqa kóshesindegi úıdiń 10-shy qabatynyń terezesine 4-5 jastaǵy bala shyǵyp, aıqaılap jatqanyn jáne kez kelgen sátte tómen qulap ketýi múmkin ekendigi jóninde habar», - delingen habarlamada.
Jergilikti polıtsııa qyzmetiniń ýchaskelik ınspektory Dilshad Toıshybaev oqıǵa ornyna kelip, basqa shuǵyl qyzmettermen baılanysty.
Onyń aıtýynsha, onynshy qabattaǵy ashyq terezeniń jaqtaýynda kishirek qyz bala turǵan. Balanyń ómirine qaýip tónip turǵanyn kórip, polıtsııa qyzmetkeri onynshy qabatqa kóterilip, páter esigin qaǵady. Abyroı bolǵanda, qyz bala terezeden ketip, esikke barady.
Polıtseı esiktiń ar jaǵynda turyp, qyz balamen áńgimege aldarqatyp, anasy kóp uzamaı keletinin aıtyp jubatqan. «Sol kezde oqıǵa ornyna kelip jetken Astana qalalyq ІІD-niń qyzmetkerleri páterdiń ishine tereze arqyly kirgen. Polıtsııa qyzmetkeri balanyń anasymen habarlasqan. Bala aman-esen anasynyń qolyna tapsyryldy», - delingen habarlamada.
Bul - elorda polıtseıleriniń bıik úılerden qulaýdan aman alyp qalǵan úshinshi bala.
