«Astana» pleı-off kezeńinde taǵy APOEL-men kezdesedi
ASTANA. QazAqparat - «Astana» fýtbol klýbynyń Eýropa Lıga qorytyndy irikteý kezeńi boıynsha qarsylasy anyqtaldy, dep habarlaıdy «SPORTINFORM» SAA.
Qazaqstandyq komandanyń qarsylasy kıprlik APOEL boldy. Kıprlikter Eýropa Lıgasynyń úshinshi biliktilik kezeńininiń birinshi matchynda ızraıldik «Hapoelmen» teń (2:2) túsip, óz alańynda jeńiske (3:1) jetti.
«Astana» men APOEL 23 jáne 30 tamyz kúnderi qarymta oıyndar kórsetedi.
Kıprlik klýb «Astanaǵa» jaqsy tanys. 2015 jyly qazaqstandyq chempıon APOEL-dy Chempıondar lıgasynyń pleı-off kezeńinde (óz alańynda 1:0, 1:1 qonaqta) jeńip, Chempıondar lıgasynyń toptyń kezeńine joldama alǵan.
Eske salaıyq, «Astana» komandasy irikteý kezeńinde zagrebtik «Dınamoǵa» jol berip, Chempıondar lıgasynan Eýropa lıgasyna kelgen edi.
