"Astana Piano Passion» jas pıanıstter baıqaýy men klassıkalyq mýzyka festıvaliniń ótetin kezi belgili boldy
ASTANA. 13 qyrkúıek. QazAqparat - Ekinshi halyqaralyq "Astana Piano Passion" jas pıanıstter baıqaýy men klassıkalyq mýzyka festıvaliniń ótetin kezi belgili boldy. Іs-shara 2014 jyly mamyr aıynyń birinshi onkúndiginde Astana qalasynda ótedi. Uıymdastyrýshy qyzmetin ádettegideı Astana qalasynyń ákimdigi kómegimen "Accordi di Astana" qoǵamdyq qory atqarady. Baıqaýdyń kórkemdik jetekshisi jáne qazylar alqasynyń qurmetti tóraǵasy - Reseıdiń halyq ártisi Denıs Matsýev.
Ótinishterdi qabyldaý shamamen kelesi jyldyń basynda bastalady. Osylaısha bıylǵy oqý jylynda balalardyń aldyn-ala tańdaǵan baǵdarlamalaryna daıyndalý ýaqyty kóbirek bolady. Sonymen qatar uıymdastyrýshylar 2013 jyly ótken is-shara tájirıbesin esepke ala otyryp, baıqaý baǵdarlamasynda kishigirim ózgeris bolatynyn eskertedi.
Baıqaýdyń negizgi maqsaty - jas daryn ıelerin qoldaı otyryp, oryndaýshylyq óner ádisterimen halyqaralyq almasý jáne Qazaqstandaǵy fortepıanolyq mektepter dástúrin nyǵaıtý. Sonymen qatar, jas pıanıstter baıqaýynyń Astana qalasynda ótýi, jastar arasynda klassıkalyq mýzykany nasıhattaýǵa erekshe yqpal etedi, bul ósip kele jatqan urpaqty rýhanı tárbıeleýdiń negizi bolyp tabylmaqshy.
