«Astana Piano Passion» pıanıster konkýrsynyń júlde qory 60 myń dollar bolmaq
ASTANA. QazAqparat - 2015 jyldyń sáýirinde «Astana Piano Passion» úshinshi halyqaralyq klassıkalyq mýzyka festıvali jáne jas pıanıster baıqaýy ótedi, dep habarlady astanaday.kz.
Baıqaýdyń kórkemdik jetekshisi, Reseıdiń halyq ártisi - Denıs Matsýev.
«Baıqaýdyń júlde qory 60 000 AQSh dollaryn quraıdy. 18 jasqa deıingi talantty pıanıstter «Astana Piano Passion» baıqaýynda óz sheberlikterin kórsete otyryp, 1000 dollardan 10 000 AQSh dollaryna deıin utyp ala alady. Budan basqa, qatysýshylardy Reseı, Frantsııa jáne basqa elderde ótetin festıvaldarda óner kórsetý sııaqty arnaıy syılyqtar kútip tur», - delingen habarlamada
Astanada ótetin klassıkalyq festıval aıasynda, apta boıy, árbir keshte álemge aty tanymal pıanısterdiń oryndaýynda, álemdik ataqtyshyǵarmalar oryndalatyn bolady. Buǵan deıin ótýken klassıkalyq mýzyka festıvaline Pavel Nersesıan (Reseı), Ekaterına Mechetına (Reseı), Hıýng-Djýn Chang (Ońtústik Koreıa), Mıshel Beroff (Frantsııa), Mırıam Daýelsberg (Brazılııa) sııaqty tanymal mýzykanttar qatysty.
Sondaı-aq sáýirde álemniń ár eliniń konsevatorııalarynan tanymal ustazdar sheberlik-synyptar ótkizetin bolady. Mysaly, 2014 jyly Astanaǵa aty ańyzǵa aınalǵan adam, tamasha pıanıst, 170-ten asa halyqaralyq baıqaýlardyń laýreattaryn daıyndaǵan Sergeı Dorenskıı keldi.
Konkýrstyń eki jylǵy jumysy ishinde Astanaǵa 30 elden jáne 100-den asa qalalardan ónerli balalar keldi.
