«Astana Piano Passion» klassıkalyq mýzyka festıvaliniń Gran-prı ıegeri belgili boldy
ASTANA. QazAqparat - «Astana Opera» opera jáne balet teatrynyń basty zalynda «Astana Piano Passion» klassıkalyq mýzyka festıvaliniń jabylýy men konkýrs jeńimpazdaryn saltanatty marapattaý rásimi ótti, dep habarlandy elorda ákimdiginiń saıtynda.
«Qorytyndy kontsertke «Astana Piano Passion» baıqaýyndań birinshi, ekinshi, úshinshi oryn alǵan balalar qatysty. Bul óte jaýapty konkýrs, bizge álemge tanymal balalar kelip qatysady. Jáne olardyń bizdiń sahnaǵa shyǵyp, ónerin kórgen qazaqstandyq balalardyń fortepıano mýzykasy damýyna sep bolady dep sanaımyn», - dedi astana.kz shara uıymdastyrýshylary.
Qorytyndy kontsertke baıqaý jeńimpazdarymen birge Denıs Matsýev qatysty. Kesh barysynda baıqaýdyń Gran-prı ıegeri reseılik Aleksandr Kýtýzovtyń esimi jarııalandy.
Sonymen birge, arnaıy syılyq jeńimpazdarynyń esimderi belgili boldy. «Kontsertke konkýrs jeńimpazdarymen birge Denıs Matsýev qatysty. Arnaıy syılyq ıegerleri anyqtaldy, sebebi 1, 2, 3 oryndar tyńdaýdan keıin belgili bolǵan. Ol «Kórermender kózaıymy», Astana ákimdiginiń atynan qazaqstandyq kompozıtordyń shyǵarmasy oryndalǵany úshin arnaıy syılyq, oǵan qosa belgili halyqaralyq festıvalderge barý úshin Sýzdalǵa, Frantsııaǵa joldamalar», - dep qosty uıymdastyrýshylar.
Kórermenderdiń pikirinshe, «Astana Piano Passion» klassıkalyq mýzyka festıvaliniń jabylýy joǵary deńgeıde ótti. Jas pıanıster bul baıqaýdan tamasha tájirıbe aldy.
