«Astana Piano Passion» ІІ halyqaralyq jas pıanıster baıqaýynyń syılyq qory - 50 000 AQSh dollary
ASTANA. 3 qazan. QazAqparat - 2014 jyldyń mamyr aıynda Qazaqstannyń astanasynda ІІ Halyqaralyq klassıkalyq mýzyka festıvali aıasynda, Astana qalasy ákimdigi kómegimen "Accordi di Astana" Qoǵamdyq qorynyń uıymdastyrýymen "Astana Piano Passion" jas pıanıster baıqaýy ótpek. Baıqaýdyń kórkemdik jetekshisi jáne qurmetti tóraǵasy - Reseıdiń halyq ártisi Denıs Matsýev, dep habarlady uıymdastyrý komıtetinen.
"Astana Piano Passion" Ekinshi Halyqaralyq jas pıanıster baıqaýy úsh kezeń boıynsha ótedi: Іrikteý kezeńi, Ekinshi kezeń, Baıqaý fınaly. Baıqaýdyń negizgi maqsaty - óz shyǵarmashylyq jolynynyń qalyptasý kezeńine alǵash qadam basqan jas daryn ıelerin qoldaı otyryp, oryndaýshylyq óner ádisterimen halyqaralyq almasý jáne Qazaqstandaǵy fortepıanolyq mektepter dástúrlerin nyǵaıtý. Baıqaýǵa álem elderiniń 18 jasqa deıingi pıanıstteri qatysa alady. Baıqaýdyń jalpy syılyq qory 50 000 AQSh dollaryn quramaq. Budan basqa oryndaýshylardy arnaıy syılyqtar kútip tur. Sonymen qatar, jasaralyq toptar: kishi top (10 jasqa deıin), orta top (11-14 jas aralyǵy), úlken top (15-18 jas aralyǵy) boıynsha birinshi oryndy ıelengen oqýshylardyń muǵalimderine arnap syılyqtar usynylady. Qatysýshylardyń ónerin halyqaralyq bedeldi qazylar alqasy baǵalaıtyn bolady. Qazylar alqasy quramy keıinirek belgili bolmaq. Osy jyldyń mamyr aıynda ótken Birinshi Halyqaralyq jas pıanıster baıqaýy aıaqtalǵan soń, mýzykalyq synshylar qazylar alqasynyń jumysyn sátti baǵalap, olardyń adal tóreligin atap aıtqanyn, kórermenderdiń baıqaý nátıjelerimen tolyqtaı keliskenderin esterińizge sala keteıik. Baıqaýǵa qatysý úshin qatysýshylardan eshbir tólemaqyny talap etpeıdi. Uıymdastyrý komıteti Ekinshi kezeń jáne Fınalǵa qatysýshylar men olardy alyp júrýshi kisilerdiń Astana qalasynda júrip-turýy men turatyn jeriniń barlyq shyǵyndaryn óz moınyna alady. Baıqaý jaıly anyǵyraq aqparattar men Ekinshi Halyqaralyq jas pıanıster baıqaýynyń Erejeleri kóp uzamaı baıqaýdyń arnaıy http://astana-app.kz/ru/. saıtynda jaryq kóredi.
