«Astana Piano Passion» I festıval-baıqaýynyń qatysýshylary Qazaqstan kompozıtorlarynyń shyǵarmalaryn oryndaıdy
ASTANA. 13 qańtar. QazAqparat - «Astana Piano Passion» І Halyqaralyq festıval-baıqaýy 2013 jylǵy mamyrdyń 10-y men 16-sy aralyǵynda ótedi.
Baıqaýdyń kórkemdik jetekshisi, qazylar alqasynyń qurmetti tóraǵasy - Reseı halyq ártisi, álem tanyǵan asqan sheber pıanıst Denıs Matsýev, dep habarlady Astana qalasynyń resmı saıty.
Baıqaýdyń taǵy bir biregeı talaptarynyń biri - úmitkerlerdiń Qazaqstan kompozıtorlarynyń shyǵarmalaryn mindetti oryndaýy. Kompozıtsııalar notalaryn astana-app.kz. saıtynan taýyp, kóshirip alýǵa bolady.
Eske salaıyq, baıqaýǵa 18 jasqa deıingi 3 jas tobyndaǵy jasóspirim pıanıster jiberiledi: 1 - kishi top - 10 jasqa deıin qosa alǵanda, 2 - orta top - 11-den 15 jasqa deıin, 3 - eresek top -18 jasqa deıin.
«Astana Piano Passion» І Halyqaralyq festıval-baıqaýyna ótinimder Qazaqstan Respýblıkasy, 010000, Astana qalasy, Esil aýdany, Orynbor kóshesi, 10/1 meken-jaıynda 10.01.2013 j. bastap 10.03.2013 j. deıin astana-app.kz, saıtynda elektrondyq úlgide qabyldanady qabyldanady.
