«Astana Piano Passion» Ekinshi halyqaralyq baıqaýǵa qatysýǵa álemniń 23 elinen 120 bala ótinimderin berdi

Ótinimderdiń kóbi Qazaqstan, Reseı, Qytaı, Ýkraına, Ózbekstan, Avstralııa, Serbııa, Albanııa jáne Vetnam elderinen kelip tústi, dep habarlaıdy Uıymdastyrý komıtetinen.

Baıqaýdyń eń jas qatysýshysy - Astana qalasynan Shyńǵys Balapanov. Ol osydan bir aı buryn 6 jasqa toldy. Shyńǵystyń "Vırtýozy" jeke mýzykalyq mektebinde mýzykamen aınalysyp jatqanyna 2 jyldyń kólemi boldy.

«Astana Piano Passion» Ekinshi baıqaýy geografııalyq keńdiligi jáne alýan túrliligimen erekshelenedi. Ótinimder Soltústik Amerıka, Eýrazııa jáne Avstralııa elderinen de kelip tústi. ıAǵnı, bul jas pıanıster baıqaýy, baıqaýdy uıymdastyrýshylardyń aldyna qoıǵan negizgi maqsattardy sátti oryndaıdy, ıaǵnı halyqaralyq seriktestikti ornatyp, álemniń túrli elderiniń fortepıanolyq mektepteri ádistemelerimen almasýǵa múmkindik beredi.

Іrikteý kezeńiniń árbir qatysýshysy Uıymdastyrý komıtetine oryndaǵan úsh shyǵarmasynyń beınejazbasyn jiberdi. Qazylar alqasyn alda bas aıaǵy 50 saǵatqa sozylatyn beınejazbalardy zerttep bilý kútip tur. Sonymen birge baıqaýdyń jartylaı fınalyna 30 bala ǵana ótpek. Qazirdiń ózinde qazylar alqasyna tańdaý jasaý ońaıǵa soqpaıtyny belgili, óıtkeni balalardyń kóbi - keremet oıynshylar.

Baıqaýdyń jartylaı fınalyna ótetin balalardyń esimi bir aptadan soń, ıaǵnı 2014 jyldyń 1 sáýirinde belgili bolmaq. Bul balalar 2014 jyly 10-16 mamyr aralyǵynda Astana qalasynda klassıkalyq mýzyka festıvali aıasynda ótetin «Astana Piano Passion» baıqaýynyń jartylaı jáne fınalyna qatysýǵa keletin bolady.

Baıqaýdyń júlde qory 60.000$ quraıdy.

Árbir jasaralyq sanattarǵa oqýǵa granttar, arnaıy jáne yntalandyrý syılyqtary usynylýy múmkin.