«Astana Piano Passion» baıqaýynyń laýreaty elordada jeke kontsertin ótkizedi
ASTANA. QazAqparat - Jas pıanısterdiń birinshi halyqaralyq konkýrsynyń Gran-prı ıegeri Aleksandr Kýtýzov Astanada jeke kontsertin ótkizedi, dep habarlaıdy «Astana Piano Passion» festıvaliniń uıymdastyrý komıtetinen.
Jas pıanıstiń jeke kontserti 2014 jyldyń 10 jáne 16 mamyry aralyǵynda, ıaǵnı «Astana Piano Passion» ekinshi halyqaralyq klassıkalyq mýzyka festıvali kezinde ótedi. Sharanyń ashylý saltanatyna sondaı-aq ótken jylǵy konkýrstyń eń jas júldegerleri Varvara Kýtýzova (Reseı), Shýan Ern Lı (Avstralııa) men Sanjaráli Kópbaev (Qazaqstan) shaqyrylǵan.
Óner básekesin uıymdastyrý komıteti saz áleminiń aıtýly dodasyna bıyl 10 myńnan kem emes kórermen jınalady, degen úmitte. Konkýrs saıtynda jas ónerpazdar men baıqaý qonaqtarynyń sahnada kórsetken ónerlerinen onlaın-translıatsııa júrgizilmek. Al, oǵan qatysýǵa qulshynys bildirýshilerdiń ótinishteri 2014 jyldyń 15 naýryzyna deıin qabyldanady.
