«Astana Piano Passion» baıqaýyna ótinim qabyldaý 30 qańtarda bastalady
ASTANA. QazAqparat - 30 qańtarda «Astana Piano Passion» V halyqaralyq jas pıanınoshylar baıqaýyna ótinim qabyldaý bastalady, dep habarlaıdy QazAqparat qala ákimdiginiń saıtyna silteme jasap.
Uıymdastyrýshylardyń málimetinshe, klassıkalyq mýzyka men jasóspirim pıanınoshylardyń festıval-baıqaýy 18-22 mamyr aralyǵynda ótedi. Elorda ákimdigi, «Accordi di Astana» qoǵamdyq qory men Reseıdiń halyq ártisi Denıs Matsýevtiń birlesken bastamasy boıynsha 2013 jyly qurylǵan baıqaý fortepıanolyq óner álemindegi bedeldi oqıǵalar arasynda laıyqty orynǵa ıe. Denıs Matsýev - festıvaldiń turaqy kórkemdik jetekshisi. Konkýrsqa bastaýysh, orta jáne joǵary mýzykalyq bilim berý mekemelerinde oqıtyn 18 jasqa deıingi jas ónerpazdar qatysady.
Baıqaýdy konkýrstyń resmı saıtyndaǵy tikeleı efır arqyly álem boıynsha adamdar tamashalaıtyn bolady.
Aıta ketý kerek, jartylaı fınalǵa shyqqan balalar men olardyń tálimgerleriniń jolaqysy men jatyn ornyn uıymdastyrýshylar ózderi qamtamasyz etedi.
Aıta keterligi, bıylǵy baıqaýǵa ótinish qabyldaý 30 qańtarda bastalyp 30 naýryzda aıaqtalady.
