Astana Piano Passion» baıqaýy І syılyǵy ıegerleriniń pedagogtary aqshalaı syılyq alady

dep habarlady Astana qalasy ákimdiginiń resmı saıty festıvaldi uıymdastyrýshylarǵa silteme jasap.

Jas pıanısterdiń baıqaýyna 18 jasqa deıingi balalar men jasóspirimder qatysady. Tyńdaý úsh jas ereksheligi tobynda ótedi:

1 - kishi top - 10 jasqa deıin qosa alǵanda;

2 - orta top - 11 jastan 14 jasqa deıin qosa alǵanda;

3 - eresek top - 15 jastan 18 jasqa deıin.

Baıqaýdyń Gran-prıi - kabınettik akýstıklyq Yamaha roıalin kez kelgen jas tobynyń ókili jeńip ala alady. Al aqshalaı júldeler jas ereksheligine qaraı ártúrli:

Búldirshinder toby

1 syılyq - 4000 AQSh dollary

2 syılyq - 2000 AQSh dollary

3 syılyq - 1000 AQSh dollary

Orta top

1 syılyq - 7000 AQSh dollary

2 syılyq - 5000 AQSh dollary

3 syılyq - 3000 AQSh dollary

Eresek top

1 syılyq - 10000 AQSh dollary

2 syılyq - 7000 AQSh dollary

3 syılyq - 5000 AQSh dollary

Sondaı-aq, baıqaýdyń І syılyǵynyń laýreattary atanǵan baıqaýǵa qatysýshylardyń pedagogtarynyń árqaısysyna - 1000 AQSh dollarynan syılyqtar qarastyrylǵan.

Pıanıster baıqaýynyń jas qatysýshylaryna kórkemdik jetekshi - Denıs Matsýevtiń arnaıy syılyqtary da taǵaıyndalǵan. Atap aıtar bolsaq, Frantsııanyń Ansı qalasynda ótetin áıgili «Crescendo», «Annecy Classic» jáne Reseıdiń Irkýtsk qalasynda ótetin «Juldyzdar Baıkalda» halyqaralyq festıvalderine joldama. Sondaı-aq, Denıs Matsýev daryndy jastarǵa «Jańa Esimder» Aımaqaralyq qaıyrymdylyq qorynyń kómegimen Sýzdal qalasynyń jazǵy lagerinde demalýǵa joldama beredi.

Buǵan qosa, Astana ákimdigi Qazaq kompozıtorynyń shyǵarmasyn úzdik oryndaýshyǵa júlde taǵaıyndaǵan. Taǵy eki arnaıy syılyqty Astana qalasynyń ákimi Imanǵalı Tasmaǵambetov jeke daıyndaǵan, ol óskeleń urpaqty rýhanı damytýda aıtarlyqtaı mańyzǵa ıe klassıkalyq fortepıano mýzykasynyń nasıhattalýyna, sondaı-aq Qazaqstannyń jas daryn ıelerine shyǵarmashylyq joldy baǵyndyrýda alǵashqy baspaldaqtan-aq qoldaý kórsetýge qamqorlyq jasap keledi.

Sonymen birge árbir jas sanatyndaǵylarǵa oqý granttary, arnaıy jáne yntalandyrý syılyqtary berilýi múmkin. Baıqaýdyń dıplomanttary qurmetti dıplomdarmen marapattalady.